Shtatëzania sipas tremujorëve – Laboratori Dr. Limbach Albania

Je kurioze se çfare po ndodh me jetën që po rritet brenda teje?

Ke ardhur në vendin e duhur! Zhvillimi i shtatëzanisë sipas tremujorëve nuk ka qenë më i thjeshtë se kaq

Në artikullin e mëposhtëm, të ndara sipas javëve të shtatzënisë, përfshihet një përshkrim i zhvillimit të fëmijës suaj, si dhe një shpjegim i ndryshimeve që po ndodhin me trupin tuaj. Do të gjeni gjithashtu informacione të rëndësishme mjekësore që do t’ju ndihmojnë për shëndetin tënd dhe fëmijës tuaj.

Në vizitën tuaj të parë me mjekun, ai do t’ju ndihmojë të përcaktoni një datë të pritshme të lindjes (EDD). Është e rëndësishme të kuptoni se kjo datë është vetëm një parashikim i mundshëm, shumica e foshnjave lindin midis javës së 38 dhe 42-të nga dita e parë e menseve (periodave) të fundit të nënës dhe vetëm një përqindje e vogël e grave në fakt lindin në datën e tyre të parashikuar të lindjes.

Një tjetër term i zakonshëm që do të dëgjoni gjatë gjithë shtatzënisë është tremujori. Periudha e shtatzënisë ndahet në tremujorë:

tremujori i parë: nga java e parë deri në fund të javës së 12-të.
tremujori i dytë: nga java e 13-të deri në fund të javës së 26-të.
tremujori i tretë: nga java e 27-të deri në fund të shtatzënisë.

Fëmija juaj ngjizet kur një spermatozoid nga babai depërton vezën e nënës. Gjinia do të varet nga fakti nëse spermatoizoidi do të mbart një kromozom X (një vajzë bebe) ose një kromozom Y (një djalë foshnje).
Qeliza vezë e fekonduar fillon të ndahet menjëherë. Ajo zbret në tubin e fallopit dhe implantohet në mukozën e mitrës.

Tremujori i parë

Ndërsa fëmija juaj vazhdon të rritet, ai quhet një embrion. Embrioni përbëhet nga 3 shtresa indore:

Shtresa e brendshme nga e cila do të zhvillohen mushkëritë, mëlçia dhe sistemi tretës i fëmijës suaj.
Shtresa e mesme që do të shëndrrohen në kockat, veshkat, organet seksuale dhe zemra e foshnjës tuaj.
Shtresa e jashtme që do të jetë lëkura, flokët, sytë dhe sistemin nervor i foshnjës tuaj.

Palca kurrizore, truri, zemra dhe mushkëritë rriten dhe zhvillohen me shpejtësi gjatë tremujorit të parë. Përveç kësaj, goja, hunda, sytë, veshët, gishtat e këmbëve dhe gishtat fillojnë të formohen. Zemra e foshnjës suaj do të fillojë të rrahë rreth javës së 5-6-të. Ndonjëherë ajo nuk mund të dëgjohet deri rreth javës së 10-12-të.

Kordoni i kërthizës (umbelikal), i cili shërben për të ushqyer fëmijën tuaj dhe për të eleminuar mbeturinat e metabolizmit të tij, formohet gjithashtu gjatë tremujorit të parë.

Sistemi tretës dhe sistemi riprodhues i foshnjës tuaj zhvillohen gjatë 3 muajve të parë të shtatzanisë. Teksa muskujt mund të formohen në javën e nëntë, fëmija juaj mund të fillojë të lëvizë, por ju nuk mund t’i ndjeni ende këto lëvizje.

Në fund të tremujorit të parë, fëmija juaj do të jetë rreth 6-7 cm i gjatë dhe do të peshojë 14 gram.

Tremujori i dytë

Në tremujorin e dytë, flokët e fëmijës suaj, duke përfshirë vetullat dhe qerpikët, fillojnë të rriten. Muskujt dhe kockat vazhdojnë të zhvillohen, duke lejuar më shumë lëvizje.

Nëse foshnja juaj është vajzë, vezët e saj do të zhvillohen në vezore në fillim të tremujorit të dytë. Rreth javës së 18-të, fëmija juaj mund të dëgjojë rrahjet e zemrës suaj dhe madje mund të trembet nga zhurmat e forta.

Rritja e fetusit është e shpejtë në tremujorin e dytë dhe ju do të jeni në gjendje ta ndjeni këtë. Do të ushtrojë presion mbi mushkëritë, stomakun, fshikëzën urinare dhe veshkat tuaja. Ju mund të filloni të ndjeni lëvizjet e para të fetusit gjatë muajit të pestë. Në fund të tremujorit të dytë, do të jeni në gjendje të ndjeni se fëmija juaj ka periudha pushimi dhe lëvizje. Si rezultat i zhvillimit të sythave të shijes dhe neuroneve shqisore, fetusi do të jetë në gjendje të shijojë dhe të prekë gjatë tremujorit të dytë.

Deri në fund të javës së 23-të, foshnja juaj ndoshta peshon rreth një kilogram. Foshnjat e lindura kaq herët mund të jenë në gjendje të mbijetojnë me ndihmën e kujdesit mjekësor të ekspertëve, por ata zakonisht kanë prapambjetje mendore dhe fizike.
Sytë janë të mbyllura deri në fund të tremujorit të dytë, ku fetusi llogaritet të peshojë pothuajse 2 kilogramë dhe do të jetë rreth 30 cm i gjatë. Deri tani, të gjitha organet thelbësore janë formuar.

Tremujori i tretë

Në fillim të tremujorit të tretë, fetusi mund të fillojë të njohë tingujt e zërit tuaj dhe babait. Do të ketë shumë lëvizje gjatë tremujorit të tretë. Ju duhet të jeni në gjendje të ndjeni rreth 10 lëvizje në orë. Bebet fillojnë “të praktikojnë” frymëmarrjen gjatë tremujorit të tretë duke lëvizur diafragmën e tyre. Madje here pas here atë e merr lemza.

Gjatë javëve të fundit para lindjes, bebi do të fitojë një pjesë të mirë të peshës së tij ose të saj të lindjes. Në javën e 33-të, ai pozicionohet për lindje, në mënyrë ideale me kokën të mbështetur në qafën e mitrës. Kockat ngurtësohen dhe lëkura bëhet më e trashë. Në javën e 34-të, fetusi mund të jetë në gjendje të mbijetojë jashtë mitrës suaj, megjithëse mund të jetë e nevojshme terapia me oksigjen.

Duke filluar nga java e 35-të, fëmija juaj do të rritet me shpejtësi, duke fituar 0.2-0.3 kg në javë. Bebi konsiderohet se ka arritur rritjen “e plotë” në javën e 37-të. Por, fëmija juaj do të vazhdojë të rritet dhe të fitojë peshë, dhe më së shpeshti do të lindë midis javëve 38 dhe 42. Fëmija juaj do të peshojë mesatarisht 7.5 paund në lindje dhe ka një gjatësi rreth 20-22 inç.

I porsalindur pritet të peshojë 3.4 kg dhe të jetë 50-55 cm i gjatë.

Një shtatzëni që kalon 42 javë konsiderohet se e ka tejkaluar datën e lindjes. Në këtë kohë, mjeku mund të induktojë lindjen. Nëse shtatzënia juaj ka kaluar më shumë se 40 javë, sigurohuni që të flisni me mjekun tuaj.